14 Mehefin 2001

Grantiau bach i Ogledd Cymru

Mae grwpiau ledled y wlad yn dathlu wedi i'r Gronfa Gymunedol yng Nghymru gyhoeddi'r grantiau diweddaraf dan ei Rhaglen grantiau bychain.

Derbyniodd Cymdeithas Gwarchod Cymdogaeth Sir y Fflint, sy'n gweithio'n galed i feithrin cysylltiadau cymunedol cryfach ledled y sir, £1,410 i gynnal cynhadledd ar gyfer gwirfoddolwyr Gwarchod Cymdogaeth a Chynnal Dioddefwyr.

Cynhaliwyd y gynhadledd yn ddiweddar ar y cyd â Chefnogaeth Dioddefwyr Sir y Fflint, a daeth hanner cant o gynrychiolwyr yno. Yn ystod y gynhadledd siaradodd Prif Gwnstabl Cynorthwyol Heddlu Gogledd Cymru, Clive Wolfendal, am bwysigrwydd cefnogi pobl sy'n agored i niwed, gweithio ar y cyd a dinasyddiaeth dda.

Mae Graham Harper, cadeirydd y Gymdeithas yn Sir y Fflint, wrth ei fodd o dderbyn y grant. Meddai: "Nid atal troseddu a lladron yn neidio dros waliau yw unig amcan Gwarchod Cymdogaeth; mae'r Gymdeithas hefyd yn gofalu am bobl, er enghraifft gwarchod yr henoed a'r bobl ifanc sydd o'n cwmpas. Rydym yn ceisio datblygu syniadau i geisio cynnwys pobl ifanc yn y Gymdeithas ac i recriwtio mwy o wirfoddolwyr yn gyffredinol a hybu pobl i gymeryd cyfrifoldeb am y pethau sy'n digwydd yn eu cymdogaeth a'u cymdeithas."

Sefydlwyd Cymdeithas Gwarchod Cymdogaeth Sir y Fflint ym 1997 ac mae ganddynt 52 cyd-lynnydd ardal a 616 cyd-lynnydd stryd sy'n cwmpasu 9,588 o gartrefi.

Mewn mannau eraill o Ogledd Cymru, mae cymdeithasau eraill wedi elwa trwy'r grantiau diweddaraf. Ledled y wlad mae 54 cymdeithas yn rhannu cyfanswm o £144,455.

Un o bedwar o grwpiau i elwa yng Nghonwy yw Cymdeithas Gofal Maeth Conwy sy'n derbyn £750 i ddatblygu gwaith y grwp mewn ardaloedd gwledig o'r ardal ac yn Sir Ddinbych mae Cylch Meithrin Rhuthun yn cael £3,494 i wella'u cyfleusterau grwp chwarae.

Yn Sir y Fflint mae pump grwp yn dathlu gan gynnwys Clwb Cinio Fflint a Bagillt, sy'n cael £775 i gynyddu'r nifer o weithgareddau cymdeithasol sy'n cael eu cynnig a Cylch Merched Mostyn sy'n cael £1,500 ar gyfer tripiau i grwp o henoed.

Cymdeithas Merched Tseinëaidd Gogledd Cymru yn darparu gwell gweithgareddau cymdeithasol ac addysgol ac mae Cylch Meithrin Gellilydan a Chylch Meithrin Gerlan yn derbyn £684 a £720 i wella eu hadnoddau.

Ar Ynys Môn, mae Cylch Meithrin Llangristiolus yn derbyn £1,271 ar gyfer cyfarpar chwarae, byrddau a chadeiriau.

Mae dros £115 miliwn wedi ei ddosbarthu i grwpiau gwirfoddol gan y Gronfa Gymunedol yng Nghymru (Bwrdd Elusennau'r Loteri Genedlaethol gynt) i daclo tlodi ac i hyrwyddo gweithredu cymunedol.

Nodiadau i Olygyddon:

1. Am ymholiadau neu rifau cyswllt grwpiau, cysylltwch â Debbie ar 01352 700208
2. Mae'r Gronfa Gymunedol yn sefydliad annibynnol a ffurfiwyd gan y Senedd i ddosbarthu arian er mwyn cefnogi cymdeithasau elusennol, llesiannol a dyngarol. Mae yna 17 aelod o'r Gronfa, yn cynnwys y Cadeirydd. Mae penderfyniadau am grantiau yn cael eu gwneud gan yr aelodau mewn pwyllgorau grantiau yn cwmpasu Cymru, Lloegr, Yr Alban, Gogledd Iwerddon a'r DU gyfan.
3. Mae rhaglen grantiau'r Gronfa Gymunedol yn cael eu gwobrwyo gan Bwyllgor Cymru. Aelodau'r Pwyllgor yng Nghymru yw Elisabeth Watkins (Cadeirydd), Jeff Carroll a Rhiannon Bevan. Aelodau cyfetholedig i'r Pwyllgor yw Margaret Davies, Aled Siôn a Dr Glyn Williams.
4. Prif nôd y Gronfa yw i roi grantiau i helpu'r rhai sydd fwyaf difreintiedig mewn cymdeithas ac i wella ansawdd bywyd yn y gymuned.
5. Ers Hydref 1995, mae'r Gronfa Gymunedol, o dan y prif grantiau, wedi gwobrwyo dros £109 miliwn i 1086 o grwpiau yng Nghymru. Mae dros £5.8 miliwn wedi ei wobrwyo i 2,131 o grwpiau o dan y Cynllun grantiau bach. Mae hyn yn dod a'r cyfanswm a ddosbarthwyd yn Nghymru, dros bum mlynedd, i dros £115 miliwn.
6. Mae rhestr llawn o grantiau'r Gronfa Gymunedol yn gyhoeddedig ar y rhyngrwyd ar www.community-fund.org ac mae rhestrau llawn o holl ddosbarthwyr grantiau'r Loteri wedi eu rhestru ar www.lottery.culture.gov.uk.

Nodyn i Gynllunwyr

Mae logo'r Gronfa Genedlaethol yn ymddangos ar y datganiad i'r wasg yma. (Mae'r logo "bysedd wedi eu croesi" yn arwyddnod i'r Loteri Genedlaethol ac felly nid yw ar gyfer defnydd y Gronfa Genedlaethol)