14 Mehefin 2001

Prif grantiau i Dde Cymru

Mae grwpiau ledled y wlad yn dathlu wedi i'r Gronfa Gymunedol yng Nghymru gyhoeddi'r grantiau diweddaraf dan ei Prif raglen grantiau.

Ym Mro Morgannwg bydd grant o £258,198 yn gwneud gwahaniaeth mawr i Cyngor Gwasanaethau Gwirfoddol Bro Morgannwg sydd wedi ei leoli yn Y Barri. Bydd y grant, dros dair blynedd, yn ariannu tair swydd llawn amser, yn cefnogi grwpiau'r sector gwirfoddol a magu cysylltiadau â'r gymuned fusnes.

Meddai'r Cyfarwyddwr Dave Maggs: "Golyga hyn ein bod yn medru adeiladu ar y gwaith cynnar a wnaethpwyd ar y cynlluniau, ac ehangu ein gwasanaethau, yn arbennig yng Ngorllewin y Fro. Amcan 'Voluntary Link', un o brosiectau allweddol y Cyngor Gwirfoddol yw bod o fudd i gymdeithasau gwirfoddol bach a mawr trwy greu cyfarpar, darparu gwybodaeth a chyngor, hyrwyddo ymarferiad da rhwng grwpiau a hybu cydweithio rhwng grwpiau gwirfoddol, cymdeithasau gwirfoddol a chyrff cyfreithiol.

"Mae ein cynllun allweddol arall, 'Business Link' yn fenter i ddatblygu cysylltiadau gwaith ac ewyllys da rhwng y sector gwirfoddol a busnesau lleol. Rydym hefyd yn annog pobl fusnes i gymryd rhan mewn gwaith gwirfoddol a chymryd diddordeb gweithredol yn ein gwaith."

Ar hyn o bryd mae 250 o gymdeithasau gwirfoddol yn aelodau o'r Cyngor Gwirfoddol ac mae'r nifer yn cynyddu. Gyda chymorth y gweithwyr newydd, mae'r gymdeithas yn anelu at gynyddu'r ffigwr yma 20 y cant dros y tair blynedd nesaf.

Mewn mannau eraill o Dde Cymru, mae cymdeithasau eraill wedi elwa trwy'r grantiau diweddaraf. Ledled y wlad mae 18 cymdeithas yn rhannu cyfanswm o £2,285,104.

Yng Nghaerffili bydd grant o £72,060 dros dair blynedd i Brosiect Cyffuriau ac Alcohol lslwyn yn darparu gwasanaeth gwybodaeth angenrheidiol ar gam-ddefnyddio cyffuriau ac alcohol yng Nghwm Rhymni Uchaf. Mewn man arall o'r sir, bydd Neuadd Bentref Llanfach yn cael ei adnewyddu diolch i grant o £89,444 am gyfarpar a ffioedd proffesiynol.

Mae'r mudiad ieuenctid Urdd Gobaith Cymru yn derbyn £89,662 ar gyfer prosiect i gynyddu'r ddarpariaeth o gyfleusterau a chlybiau trwy gyfrwng y Gymraeg i bobl ifanc yn ardal Caerdydd. Bydd y prosiect yn gweithio gyda Menter Iaith Caerdydd a Chyngor Sir Caerdydd. Hefyd yn y brifddinas, mae Shortlife Housing (Cymru) Ltd. yn derbyn £164,918 i ddarparu cefnogaeth a chyngor i bobl sydd mewn llety dros dro neu mewn tenantiaeth am y tro cyntaf.

Yn Abertawe, bydd Cynllun Ceir Cymunedol Ystalyfera yn medru prynu cerbyd newydd wedi ei addasu'n arbennig er mwyn cludo pobl i'r meddyg neu'r ysbyty diolch i grant o £15,200 ac yn Nhorfaen, mae Cymorth Ariannol i Bobl Anabl yn derbyn £26,350 i gyflogi codwr arian i wneud ceisiadau ariannu ar ran pobl anabl sydd methu gwneud ceisiadau eu hunain.

Hefyd yn Nhorfaen, mae'r Partneriaeth Garnsychan, wedi ei leoli ym Mhontypwl yn cael £180,687 i gyflogi tri gweithiwr cymunedol ac ym Morgannwg Ganol mae Cyngor Cydraddoldeb Hiliol y Cymoedd yn derbyn £97,670 dros dair blynedd i gyflogi Swyddog Aflonyddwch Hiliol.

Mae dros £115 miliwn wedi ei ddosbarthu i grwpiau gwirfoddol gan y Gronfa Gymunedol yng Nghymru (Bwrdd Elusennau'r Loteri Genedlaethol gynt) i daclo tlodi ac i hyrwyddo gweithredu cymunedol.

Am ffurflenni cais neu fwy o wybodaeth ffoniwch: 0845 791 9191 (Saesneg) neu 0845 727 3273 (Cymraeg)

Nodiadau i Olygyddon:

1. Am ymholiadau neu rifau cyswllt grwpiau, cysylltwch â Debbie ar 01352 700208
2. Mae'r Gronfa Gymunedol yn sefydliad annibynnol a ffurfiwyd gan y Senedd i ddosbarthu arian er mwyn cefnogi cymdeithasau elusennol, llesiannol a dyngarol. Mae yna 17 aelod o'r Gronfa, yn cynnwys y Cadeirydd. Mae penderfyniadau am grantiau yn cael eu gwneud gan yr aelodau mewn pwyllgorau grantiau yn cwmpasu Cymru, Lloegr, Yr Alban, Gogledd Iwerddon a'r DU gyfan.
3. Mae rhaglen grantiau'r Gronfa Gymunedol yn cael eu gwobrwyo gan Bwyllgor Cymru. Aelodau'r Pwyllgor yng Nghymru yw Elisabeth Watkins (Cadeirydd), Jeff Carroll a Rhiannon Bevan. Aelodau cyfetholedig i'r Pwyllgor yw Margaret Davies, Aled Siôn a Dr Glyn Williams.
4. Prif nôd y Gronfa yw i roi grantiau i helpu'r rhai sydd fwyaf difreintiedig mewn cymdeithas ac i wella ansawdd bywyd yn y gymuned.
5. Ers Hydref 1995, mae'r Gronfa Gymunedol, o dan y prif grantiau, wedi gwobrwyo dros £109 miliwn i 1086 o grwpiau yng Nghymru. Mae dros £5.8 miliwn wedi ei wobrwyo i 2,131 o grwpiau o dan y Cynllun grantiau bach. Mae hyn yn dod a'r cyfanswm a ddosbarthwyd yn Nghymru, dros bum mlynedd, i dros £115 miliwn.
6. Mae rhestr llawn o grantiau'r Gronfa Gymunedol yn gyhoeddedig ar y rhyngrwyd ar www.community-fund.org ac mae rhestrau llawn o holl ddosbarthwyr grantiau'r Loteri wedi eu rhestru ar www.lottery.culture.gov.uk.

Nodyn i Gynllunwyr

Mae logo'r Gronfa Genedlaethol yn ymddangos ar y datganiad i'r wasg yma. (Mae'r logo "bysedd wedi eu croesi" yn arwyddnod i'r Loteri Genedlaethol ac felly nid yw ar gyfer defnydd y Gronfa Genedlaethol)