27 Ebrill 2001

Grantiau Bychain wrth fodd De Cymru

Mae'r Gronfa Gymunedol wedi cyhoeddi'r gyfres gyntaf o Grantiau bychain dan ei henw newydd ac mae grwpiau ledled y wlad yn cael eu hannog i wneud cais am gyllid y loteri i gefnogi eu gweithgareddau yn y gymuned.

Mae Cymdeithas Hen Bensiynwyr Winchestown ym Mlaenau Gwent yn dathlu wedi iddynt dderbyn £2,285 ar gyfer system gwres canolog ym man cyfarfod y grwp. Roedd y system gwres canolog wreiddiol wedi torri i lawr ac ni ellid ei thrwsio.

Mae'r Gymdeithas yn cynnal nifer o weithgareddau i'r henoed, yn cynnwys cyfarfodydd cymdeithasu, sesiynau bingo a gwibdeithiau mewn bws yn yr haf.

Mae pawb yn y grwp yn hynod falch o dderbyn yr arian, meddai Jeanette Page y Trysorydd (a'r alwraig bingo): "Bydd hyn yn gwneud y neuadd yn fwy cysurus i bawb sy'n ei defnyddio. Mae gennym oddeutu 30 o aelodau ac i rai ohonynt, fel Kate Jones o Winchestown sy'n 89 oed, a fu'n dod yma ers i'r grwp gychwyn flynyddoedd lawer yn ôl, hwn yw eu hunig weithgarwch cymdeithasol y tu allan i'w chartref."

Mewn mannau eraill yn Ne Cymru mae grwpiau cymunedol wedi elwa ar gyfres ddiweddaraf y Grantiau bychain a ddyfarnwyd. Ar hyd a lled y wlad mae 39 o sefydliadau'n rhannu cyfanswm o £121,109.

Ym Mhen-y-bont ar Ogwr, dyfarnwyd £4,875 i Sefydliad y Merched Maesteg i brynu offer cyfrifiadurol ac yng Nghaerffili bydd Clwb Ieuenctid Groeswen yn derbyn £2,725 i gael offer i wella'r cyfleusterau ar gyfer gweithgareddau cymdeithasol.

Un o dri grwp a fydd yn elwa yng Nghaerdydd yw Clwb Gefeilliaid Caerdydd sy'n derbyn £2,661 i godi ymwybyddiaeth o waith y grwp, sy'n darparu cefnogaeth i deuluoedd â phlant lluos-enedigaeth.

Bydd grant o £5,000 i Gymdeithas Adfywio Treharris ym Merthyr Tudful yn ariannu astudiaeth i asesu'r angen am adeilad cymunedol pwrpasol ac yn Sir Fynwy, un o ddau grwp a fydd yn elwa yw Grwp Cefnogaeth Gofalwyr Cas-gwent a Caldicot sy'n derbyn £950 i drefnu gwibdaith yn ystod Wythnos Genedlaethol y Gofalwyr.

Yng Nghastell-nedd Port Talbot bydd tri grwp yn cael grant, yn cynnwys Cymdeithas Gymunedol y Creunant sy'n derbyn £3,906 i brynu offer ffitrwydd ac un o'r grwpiau a fu'n llwyddiannus yng Nghasnewydd yw Cynllun Gwarchod Cymdogaeth Gaer sy'n cael £4,353 ar gyfer offer swyddfa.

Yn Rhondda Cynon Taff rhoddir £882 i Glwb Nofio "Taff Ely Turtles" ar gyfer costau cludiant, bydd Cymdeithas yr Henoed Tonteg yn cael £1,810 a bydd Cymdeithas Hen Bensiynwyr Pendyrus yn derbyn £2,070, y ddau grant i wella gweithgareddau grwp.

Un grwp fydd yn elwa yn Abertawe yw Grwp Menywod UCA Pontardulais & Llangyfelach sy'n derbyn £5,000 ar gyfer gweithgareddau cymdeithasol ac ym Mro Morgannwg bydd Cwmni 1af Brigâd y Bechgyn Penarth yn derbyn £4,720. Ar gyfer gwibdeithiau bydd Cymdeithas Hen Bensiynwyr Pontnewydd yn Nhorfaen yn derbyn £1,300.

Dosbarthwyd cyfanswm o dros £113 miliwn i grwpiau gwirfoddol gan y Gronfa Gymunedol yng Nghymru (Bwrdd Elusennau'r Loteri Genedlaethol gynt) i fynd i'r afael â thlodi a hybu cymunedau i gymryd rhan.

Dylai grwpiau sydd eisiau ffurflenni cais neu wybodaeth ychwanegol ffonio: 0845 791 9191 (Saesneg) neu 0845 727 3273 (Cymraeg).

Nodiadau i Olygyddion:

1. Am ymholiadau cyfryngau neu rifau cyswllt grwpiau, cysylltwch â Debbie ar 01352 700208
2. Mae'r Gronfa Gymunedol yn sefydliad annibynnol a ffurfiwyd gan y Senedd i ddosbarthu arian er mwyn cefnogi cymdeithasau elusennol, llesiannol a dyngarol. Mae 17 aelod o'r Bwrdd, yn cynnwys y Cadeirydd. Mae penderfyniadau am grantiau yn cael eu gwneud gan yr aelodau mewn pwyllgorau grantiau yng Nghymru, Lloegr, Yr Alban, Gogledd Iwerddon a'r DG gyfan.
3. Mae grantiau'r Gronfa Gymunedol yn cael eu dyfarnu gan Bwyllgor Cymru. Aelodau'r Pwyllgor yng Nghymru yw Elisabeth Watkins (Cadeirydd), Jeff Carroll a Rhiannon Bevan. Aelodau cyfetholedig i'r Pwyllgor yw Margaret Davies, Aled Siôn a Dr Glyn Williams.
4. Prif nod y Gronfa yw rhoi grantiau i helpu'r rhai mwyaf difreintiedig mewn cymdeithas ac i wella ansawdd bywyd yn y gymuned.
5. Ers Hydref 1995, mae'r Gronfa Gymunedol, o dan y prif grantiau, wedi dyfarnu dros £107 miliwn i 1068 o grwpiau yng Nghymru. Mae dros £5.7 miliwn wedi ei ddyfarnu i 2,077 o grwpiau o dan y Cynllun grantiau bychain. Golyga hyn bod y cyfanswm a ddosbarthwyd, dros gyfnod o bum mlynedd, yn fwy na £113 miliwn.
6. Mae rhestrau llawn o grantiau'r Gronfa Gymunedol ar y rhyngrwyd ar www.community-fund.org ac mae rhestrau llawn o holl ddosbarthwyr grantiau'r Loteri wedi eu rhestru ar www.lottery.culture.gov.uk.

Nodyn i Ddylunwyr

Logo'r Gronfa Genedlaethol yw'r logo sy'n ymddangos ar y datganiad i'r wasg yma. (Mae'r logo "bysedd wedi eu croesi" yn arwyddnod i'r Loteri Genedlaethol ac felly nid yw ar gyfer defnydd y Gronfa Gymunedol).